Bürstabender

 

I ben dr Bürstabalthes von Neres
i komm viel in dr Weltgschicht rom.
I will Euch bissle was verzähla
wer net zuhört, der bleibt domm.

A jonger Bursch, der muss was lerna
a Handwerk isch do nia verkehrt,
zu binden Bürschda, Schrubber und Besa,
mit dene man die Welt dann kehrt.

Refrain:

Holldrio, Holldrio, Hollrdio oh oh
Bürstabender send halt froh.
Holldrio, Holldrio, Holleradio oh oh
Bürstabender send halt so.

Als I mei Handwerk dann hab kenna,
war in dr Heimat die Not so groß.
Viel Elend ond net gnuag zum essa,
nach Amerika i zog dann los.

En Chicago, in dr großen neuen Welt
han se viele Bürschda beschdellt.
Doch glücklich macht mich nia das Geld,
om mein Durschd wars schlecht bestellt.

Refrain

Jetzt ben i zrick aufm scheena Härtsfeld,
om mein Durschd ischs viel besser beschdellt.
Do scheiß i auf des große Geld,
onser Bier isch’s beste auf der Welt.

Wenn i heut mein Tagwerk hab vollbracht,
Bürschda, Besa und viel mehr hab gmacht,
zieh i naus ond verkaufs en de Dörfer,
ond versauf mei Geld en dr Wirtschaft.

Refrain 

Was i net brauch zua meim Leba
isch’d a Weib, des hots nia geba,
i ben eigfloischder Junggesell,
i kann do und lassa was i will.

Bürgermoischder ond die ganze Pfaffa,
was dia sagat will i net macha.
Gesetze und Gebote send mir einerlei.
I ben a Bürschdabender ond ben frei.

Refrain

 

 

Melodie und Text: Holger Kaim